Boyzone member-te'n WhatsApp group an siam

Irish boy band, 90's chhoa lar tak ṭhin Boyzone chuan chanchin an inhriat pawh theihna turin WhatsApp group an siam a, reunion lam erawh an sawi rih lo.

Ronan Keating chuan hemi chungchang hi sawiin, Whatsapp group chu an siam ngei tih a sawi lang a, reunion chungchang erawh sawi a ni lo, a ti.

"Boyzone chuan Whatsapp group kan nei ngei a, mahse leave an awm leh ṭhin avangin tihdanglam ve reng a ngai. Boyband chanchin ang deuh a ni a, a ṭhen an leave a, a thar kan siam leh a, chutichuan midangin an lo leave lehzel bawk a," tiin a sawi.

'Words' hitmaker Boyzone hi kum 1993-a indin kha niin studio album pasarih lai an tichhuak hman. Kum 2013 thleng khan ram hrang hrangah record maktaduai 25 lai an hralh hman.

An hunlai chuan khawvela Boyband lar ber zinga mi an ni a, UK chart lamah phei chuan an che ṭha ṭhin hle a, chart topper hla eng emaw zat an nei a ni.

Kum 1999 khan an kehdarh a, ṭhenkhat chu solo-in an kal zui a, an member Stephen Gately erawh kum 2009 khan a thi tawh a ni.