Enrique Iglesias-in album pakhat bak tihchhuah a tum tawh lo em ni?

Pop star Enrique Iglesias chuan album thar a tihchhuah leh tur chu a album hnuhnung ber a ni thut mai thei tih a sawi chhuak mauh mai!

Ricky Martin leh Sebastian Yatra-te nena Instagram-a an inkawmnaah hemi chungchang hi sawiin kum 46 mi Enrique chuan a record tihchhuah tur 'Final' chu a album tihchhuah hnuhnung ber tur a ni hial tawh mai thei tih a sawi a ni.

"Ka album hnuhnung ber tur a ni tawh mai thei. Tunhnai thla hnih thum chhunga ka ngaihtuah mai ani lo a, a kuma kum ka lo ngaihtuah tawh a ni.

"Volume 1 leh 2 a awm dawn a, mahse a tawpna tur an ni tawh," tiin kum 2015 vel aṭanga a rilrua awm tawh a nih thu a sawi.

Hla thar tihchhuah erawh tawpsan a la tum lo thung a, hla phuah erawh bansan ka la tum lo, a chhan chu nuam ka tih miau a. Mahse kawng dangin ka ti dawn thung a ni, tiin a sawi bawk.

Spanish singer hian September 17 hian Sony Music kaltlangin 'Final' hi a tichhuak dawn a, a studio album 11-na tur a ni tawh dawn a ni.