Aquaman suit thar tur a hmuh theih ta

Jason Mamoa chuan Aquaman 2-a a inthuamna tur 'stealth suit' thar chu hmuh theih turin a tarlang ta.

Mamoa hian Instagram lamah a suit thar tur hi a post a, thlalak pahnih post-in pakhat zawk chu Aquaman film hmasaa a lo hak tawh kha niin tuna a suit thar tur nen hian a post rual a ni. Ani bakah hian James Wan pawhin suit thar hi a tarlang tel ve bawk.

Aquaman chhunzawmna film 'Aquaman and the Lost Kingdom' June 28 khan London-ah an chang ṭan a, director Wan pawhin an shoot ṭan ni khan a Instagram page lamah an shoot ṭanna thlalak hmasa ber a lo tarlang tawh a ni.

'Aquaman and the Lost Kingdom' plot tur hi hriat a la ni lo a, mahse Wan chuan Planet of the Vampires-in Aquaman 2 chu a 'inspire' hle tih sawi thungin,"Hlauhawm aṭangin naupang chu i la chhuak thei mai thei, mahse naupanga hlauhna awm chu i la chhuak thei ngai lo ang," tiin a plot hawi lam tur erawh a lo sawi thawi tawh.

Aquaman 2-ah hian Amber Heard, Yahya Abdul-Mateen II, Patrick Wilson leh Dolph Lundgren-te pawh kan hmu leh dawn tih a chiang tawh a, nakkum December 16-a tlangzarh turin ruahmanna an siam a ni.