Michael K. Williams a thi

HBO drama series 'The Wire'-a Omar Little lema a chan aṭanga hriat hlawh Michael K. Williams chu Thawhṭanni khan Williamsburg, Brooklyn-a a chenna inah thi a chhar a ni a, drug overdose vanga thi a nih an ring.

Kum 54 mi nia Thawhṭannia boral ta Michael K. Williams hian lemchan khawvela sulhnu a hnutchhiah hnem hman hle a, Primetime Emmy Award nomination panga lai hmu hmanin, 'The Road, Inherent Vice', 'The Night Of, Gone Baby Gone', '12 Years a Slave', 'When We Rise', 'When They See Us', leh 'Hap and Leonard'-te chu a channa langsar zualte an ni.

Michael K. Williams hian film 60 vel a chang hman a, role pawimawh tak ni kher loa a channa ho zingah film langsar tak tak a awm a, 'The Purge: Anarchy', 'RoboCop' leh 'Assassin's Creed'-ahte pawh khan a inlan a ni. TV Show eng emaw zatah a inlan bakah Battlefield 4 leh Battlefield 2042 bakah NBA 2K21 game-ahte pawh a aw hman a ni bawk.