Mukesh Ambani hausak zawng $tld 100 a tling ṭep tawh

Reliance Industries Limited chairman Mukesh Ambani hausak zawng chuan $tluklehdingawn 100 a tling ṭep tawh a, $100 billion's club-ah pawh a luh thuai a rinawm.

Bloomberg Billionaires Index data aṭanga a lan dan chuan Mukesh Ambani hausakna hi ni sarih chhung lekin $tld 4.8 laiin a pung. Thla hmasa lamah kha chuan Ambani hian $tld 80.7 vel a nei anga chhut a ni a, nikum lamah phei chuan $tld 79.9 vel a nei anga chhut a ni. Tunah hian $tld 92.6 vel a nei tawh anga chhut niin khawvela mi hausa list-ah 12-na a ni mek.

Ambani hausak zawng hi khawvela mi hausa tawntaw 500 rual hausak zawng aṭanga 1.1% vel niin an tarlang bawk.

Reliance share nasa taka a pun avangin Mukesh Ambani hausakna hi a pung a, kum 64 mi sumdawng lian hi tunah hian Asia rama pa hausa ber ani mek a, mi thiamte chhut dan chuan hun rei lote hnuah $tld 100 a nei tling vat dawn a ni.