Zaninah MPSC Challenge Inter College Quiz chhunzawm dawn

MPSC Challenge Inter College Quiz Com­petition 2018 chu zaninah chhunzawm a ni leh dawn ta a, quarter final-a intum turte pawh a hriat ta bawk.

Quarter final a intum turte hi nimin khan MSU office-ah pawh fel a ni a, zanin leh naktuk zanah intihsiak a awm ang. Quarter final intihsiak hmasa berah hian Aizawl City College leh Govt. Ko­lasib College te an in­tum dawn a, Govt. Zir­tiri Residential Science College, Govt. Siaha College leh Hrang­bana College te chu semi-final luh tumin an in­hma­chhawn ve leh bawk ang.

Naktuk zanah college panga - Govt. Mamit College, Pachhunga University College, Govt. Champhai College, DIET, J.Buana College te an inlan dawn bawk.

Quarter final-ah hian college 10 an inhlang kai a, point hmu sang zual pali-in semi-final an lut dawn a ni.

MSU leh MPSC ṭang­kawp buatsaih quiz com­petition-ah hian college 13 an tel.