Taylor Swift a Ṭawng chhuak
Kar kalta Intini khan US hmun hrang hrangah 'gun law' siam ṭhat phutin kawngzawh huaihawt a ni, mi lar tam takin an thlawp thu an sawi. Taylor Swift pawhin silai khuahkhirhna ṭha zawk siam phutna hi a thlawp thu a sawi a, mipui himna turin chak zawka hma lak a ngaih thu a sawi.
American singer chuan, "Pawisawi lo mi tam takin nunna an chan tawh a, a pawi tak zet a ni. Silai khuahkhirhna dan ṭha zawk siam a hun tak zet a, pawikhawihna thleng ṭhinte titawp turin ṭanrual a ngai a ni" a ti. Swift hian March 23-a 'March For Our Lives' rally buatsaih a thlwpna lantir nan hian donation pawh a pe a, amah bakah hian milar eng emaw zatin an thlawpna an lantir bawk.
Switf chuan, "Silai hmanga inrikrapna avangin mi tumahin school kal an hlau tur a ni lo a, nightclub a ni emaw concert leh theater ah pawh an hlauh phah tur a ni lo " tiin, mipuite himna a ngaihpawimawh thu a sawi uar hle.
US-ah hian February 14 khan Florida-a school pakhatah misualin silai a hmehpuah avangin mi 17 an thi a, mi tam takin hliam an tuar a ni. He thil thleng duh lohna lantir hian tun hnai khan Washington, D.C leh khawpui dangahte lungawi lohna lantir a ni. He hunah hian Miley Cyrus, Demi Lovato, Jennifer Hudson leh Ariana Grande te pawh an tel a ni.