Aguilera-i'n a hmel tak a pho lang!

Paper Magazine chuan Christina Agui­lera chu cover girl atan an hmang a, hetah hian a hmel tak pholan a nih thu an tarlang.

Christina Aguilera hian hmui sen no chak leh mit meng mawi tak mipui a lo hlui tawh ṭhin a, tunah erawh chuan a hmel tak tak a pholang ve thung a ni awm e. Makeup tel lo chuan a duhawm vak bik loh a ni awm a, an sawi zui nasa hle. Kum 37 mi hmel lan dan hi a ngai ngai chuan a ṭha teh chiam lo a ni ang, khawthlang media-te chuan an sawi zui nasa hle. A sam leh hmaite duh tawka a chei nen chuan danglam tak a ni.

Hemi chungchang hi Aguilera chuan sawi fiahin, "Mipui hmaa inlan ṭhin kan ni a, kan hmel tak hi miten an hriat loh ka duh lo a ni" tiin, a hmel tak a pholan chhan a sawi. Chutih rual chuan mipui hmah mawi taka lan chu thil sual a nih loh thu a sawi a, indem ngawt theih pawh a ni lo, a ti.