Hmeichhe rapper hausa ber Nicki Minaj

Record label Young Money Entertainment chuan American rapper Nicki Minaj chu khawvela hmeichhe rapper hausa ber a nih thu leh, $ maktaduai 100 nei tling thei hmasa ber a nih thu a taralng.

Ani bakah hian Queen Latifah ($ mtd 60), Missy Elliott ($ mtd 50) leh Lil kim ($ mtd 18)-te chu rapper hmeichhe zingaa hausate zualte an ni. Anni bakah hian tunlai hmeichhe rapper lar ber tia chhal ngam Cardi B chuan $ mtd 24 a nei niin Frobes chuan a tarlang thung. 

Nicki hi kum 2004 vel aṭang khan music khawvelah a zuang lut ṭan a, a lar tak tak erawh kum 2009-a Young Money Entertainment nena contract an sign aṭangin a ni. American Music Award paruk, BET Award 10, BET Hip Hop Award pasarih, Billboard Music Award pali, MTV Video Music Award panga, MTV Europe Music Award paruk, People's Choice Award pahnih, Soul Train Music Award pakhat leh Teen Choice Awards pali a lo dawng tawh a ni.

A award dawn aṭangte khian rapper satliah a ni lo a ni tih a hriat theih. Kum 2011-16 inkar khan Grammy Award-ah vawi 10 lai nomination a lo hmuh tawh bawk.