Glastonbury Festival 2020 an ṭhulh

Coronavirus hripui lengin entertainment khawvelah buaina a thlen lian zel a, entertainment festival lian Glastonbury Festival of Contemporary Performing Arts pawh ṭhulh a nih thu an puang ve leh ta a ni.

Ni sarih liam taah khan he festival buatsaihtu zinga mi Emily Eavis chuan kaltlangpui a nih dawn thi lo sawi tawh mah se England sorkar lamin mipui pungkhawmna chi reng reng buatsaih lo tura Thawhṭannia thuchhuah a siam takah chuan ni nga awm festival chu pawi ti tak chunga an ṭhulh a ngai ve ta.

Kumin Glastonbury Festival-ah hian Taylor Swift, Sir Paul McCartney, Kendrick Lamar, Diana Ross leh Dua Lipa-te chu inlan tur langsar an ni a, mahse anni pawh hi an inlan thei dawn ta lo. Kumin Glastonbury Festival hi June 24 leh June 28 chhunga neih tura ruahman a ni a, mahse kumin­ah chuan an nei thei dawn ta lo niin a lang. Nikum khan mi  203,500 tehmeuhin he festival hi an chhim a ni.