Zaninah Marina Varte music video album tlangzarh dawn

29th March, 2018

Mizo Idol aṭanga mipuiten kan hmelhriat, Marina Vanhriatpuii Varte chuan zanin dar 8:00 hian Chanmari YMA Hall-ah music video album a tlangzarh dawn.

Marina Varte album thar tur hi 'All In' tih a ni a, hla pakua a awm dawn. Folk song pali a tel dawn bawk a, chung zingah chuan - Laldanga zai, German ral lian te pawh a tel.

Album tlangzarh zan hian zai thiam lar - Mathlenga, Zorinzuali Khiangte, Bzi leh Mka Pachuau te an zai dawn a, fashion show thlir tur a awm dawn bawk.

'All In' album hi Hmingdailova Khiangte, MLA chuan a tlangzarh dawn a ni.