Britney Spears pa-in conservatorship titawp turin a ti ta!

Britney Spears pa Jamie Spears chuan Thawhlehni khan jugde hnenah a fanu conservator a nihna chu titawp turin a ti ta.

Jamie Spears chuan Los Angeles Superior Court hnenah petition file-in, Britney conservator a nihna a vaia titawp nghal vek turin a ngen a ni.

The Associated Press-in document neihah chuan Jamie hian a sawi fo tawh angin, a fanu tana ṭha ber a duh thu a inziak a, Britney-in conservatorship tihtawp a duha, amah a inenkawl zo dawn nia a inhriat chuan, inhnukdawk mai turin a inpeih tawh thu a inziak.

Kum 13 chhung zet Britney hian a nunah thu a nei tawh loa, a sum leh pai a hmanna bakah a health care thlengin a pa-in a thunun vek a ni. September 29 khan Jamie hian a fanu conservator a nihna chu a tihtawp dawn thu a lo sawi tawh a, Thawhlehni khan court-ah titawp turin thu a thlen ta a ni.