Ireland lamah Pryanka Chopra

Indian actress Pryanka Chopra chuan Mumbai chhuahsanin Ireland a pan a, American television series 'Quan­tico' an chan chhunzawm dawn.

Pryanka hi Quantico season thara hian a inlan leh dawn a, shoo­ting nei turin Ireland lam hi a pan ta a ni. Quantico season 3-na hi April thla tawp lam aṭangin a chhuak leh dawn a, shooting pawh an bei ngawrh chho hle. Season 3-ah hian episode 13 a awm dawn a, Priyanka pawn role pawimawh a play leh dawn. 'Quantico' hi North Ame­rica lamah chuan a lar viau a, Pryan­ka pawh hian hriat a hlawh tawh hle. Baywatch star Pryanka hi Holly­wood film chang tur pawhin a inbuatsaih leh mek nia tarlan a ni bawk.

Elle Magazin chuan May issue cover girl atan Priyanka Chopra hi an hmang dawn bawk a, tun aṭangin a lar der tawh. A thlalak ṭhenkhat pawh social media lamah a darh nasa hle a ni.