MV thar nen BEE31 kan hmu dawn

Kum 2017-a LPS-in a buatsaih Beat contest, LPS Rock On winner BEE31 chuan zaninah hian hla thar an tichhuak dawn a, dar 8-ah MDM YouTube channel lamah an music video thar chu thlira ngaihthlak theihin a awm ang.

BEE31 hla thar tur hi 'A Sawm Che' tih a ni a, anmahni original niin harsatna leh buaina neuh neuh karah kum hnih dawn thuak chu an hla thar tur hi an buaipui thu an sawi.

An manager Casey Chawngthu chuan, "He kan hla siam hi kan siam rei khawp mai a! Buaina leh harsatna hrang hrang keimahni Band lamah te kan tawk a, Veng khat veka cheng kan ni lo nen, Original Band member-te kan kim tak loh avangin kan puitlin thei lo mai ang tihte kan hlau viau a, mahse Pathian khawngaihna avangin kan kim leh thei ta hlauh a, kan siam zawh hnuah Pandemic avangin music video kan shoot leh thei ta loa; kan khek ta ngar ngar a hei hun tha kan nei thei ta hlauh a ni," tiin an music video thar tur chungchang hi a sawi.

An hla thar tihchhuah tur hi BEE31 Home Recording Studio-ah record vekin, mastering chu Roma Hmar (Rokunga Tuk Run)-in a khawih sak thung a, video chu Moonshine(Andrew Ralte) kut chhuak a ni a, hmuh a nuam leh ngei ang tih a rinawm.

'A Sawm Che hi' mihring zawng zawng harsatna tawk lo an awm loa, chu harsatna kara zam mai loa, Isua lam pan tura sawmna hla a nih thu an sawi a, ṭhalai tam tak beidawng bik, vanduai bika inngai, kal ngaihna hre lo tam takte'n pan tur dik tak Isua kan pan theuh theih na lam a kawk ber a ni, an ti.