NIRF Rankings 2021 ; India rama college ṭha ber IIT Madras

Union Education Minister Dharmendra Pradhan chuan Ningani chhunah khan National Institutional Ranking Framework (NIRF) India Ranking a tlangzarh a, Indian Institute of Technology Madras chu 'top overall ranking'-ah pakhatna a ni.

NIRF hian category hrang hrangah ranking hi a tichhuak a, IIT Madras hi a zawnin kum thum chhung engineering college ṭha berah thlan a ni ta a, 'top overall ranking' bakah hian 'Best engineering colleges in the country' ranking-ah pakhatna a ni leh.

Indian Institute of Management Ahmedabad chu Management Instirute ṭha berah puan niin, Miranda House chu College ṭha bera puan a ni thung.

All India Institute Of Medical Sciences, Delhi chu Medical College ṭha ber a nih thu puan a ni.

Indian Institute of Science Bangalore chu University ṭha ber niin, Jamia Hamdard, New Delhi chu Pharmacy Institute ṭha ber a ni thung. Architecture institute-ah chuan Indian Institute of Technology Roorkee chu pakhatna a ni a, Research institute-ah chuan Indian Institute of Science Bangalore bawk pakhatna ni lehin Dental College ṭha berah Manipal College of Dental Sciences, Udupi chu an puang a ni.

NIRF India Ranking 2021 hi category 11-ah ṭhen a ni a, official data aṭanga a lan dan chuan college leh university 600 lai endik niin kumin hi NIRF rangking vawi ruk tihchhuahna a ni bawk.