Francesca Battistelli hla thar 'God is Good'

American Christian singer lar Francesca Battistelli chuan Zitrawpni liam ta khan hla thar 'God is Good' a tichhuak.

'God is Good' hi kumina a hla tihchhuah hmasak ber niin Kristian film thar 'God’s Not Dead: We the People'-ah pawh soundtrack-ah hman a ni dawn a, tunah hian streaming platform hrang hrangah ngaihthlak theihin a awm tawh a ni.

'God’s Not Dead: We the People' hi God's Not Dead film palina tur a ni tawh a, October 4 hian US-a theatre hrang hrangah tlangzarh a ni dawn.

Francesca Battistelli hi GMA Dove Award paruk lai dawng thei a ni a, Grammy Award hial pawh a lo dawng tawh a ni.

"Hun harsa tak kan paltlang mek a, chumiah chuan he hla hian min hnem nasa hle a ni, A chhan chu danglam ve ngai lo pakhat a awm a, chu chu Pathian hi a ṭha a ni, tih hi. Chumi avang chuan vawiinah hian engpawh hmachhawn la, he hla hian i nunah malsawmna a thlen ngei theih nan ka ṭawngṭai a ni. A chhan chu Pathian hi a ṭha a, i tan a awm a, a hmangaih tak zet che a ni," tiin Francesca Battistelli chuan a hla thar chungchang a sawi.

Battistelli hian album pasarih lai a tichhuak tawh a, chung zingah chuan Krismas album pahnih a tel.