RFL Plastic Miss Mizoram 2020 Open Audition-ah mi pasarih an tling

RFL Plastic Miss Mizoram 2020 thlanna kal meka Open Audition  result a hriat ta a, nizan khan result puanna hi neih a ni a, mi pasarih an tling a ni.

Miss Mizoram 2020 boruak a lian zel a, district hrang hrang MJA hmalaknain Aizawl tih loh district tin aiawh tur January thla chhung khan thlanfel a ni tawh a, contestant turte pawh an ṭha rual hle.

Aizawl bikah hian Open Audition tawpin Miss thlanna buatsaih a ni a, district dang tan pawh tel phal a la ni bawk. Thawhlehni khan HYVE Hall-ah audition round neih a ni a, mi pasarih chuan open audition round paltlangin, vawiin hian a khuhhawnna hun an nei dawn.

Karleh Thawhlehni hian HYVE-ah tho Ethnic Wear Shooting an nei leh ang. Miss Mizoram 2020 grand finale hi March 14-ah neih a ni dawn a, hemi hma hian contestant-te hian round hrang hrangah inelna an nei ang.