Inter Branch YMA Beat Contest awm dawn

Chanmari branch YMA chuan October 16 khian Diamond Jubilee an lawm dawn a, he mi den­chhen hian Inter Branch YMA Beat Contest an buatsaih dawn.

Beat Contest-a tel tumte tan hian Chanmari YMA Hall-ah form lakchhuah theih a ni a, entry fee a awm lo. Form hi May 12 thleng thehluh leh theih a ni ang. Branch khat aṭangin band pakhat zel tel theih a ni dawn a, lawmman ṭha tawk tak a awm dawn.

Pakhatna hian Rs. 1,00,000 an dawng dawn a, pahnihna Rs. 50,000 leh pathumna Rs. 30,000 te a ni ang. Hei bakah hian palina leh panga-na lawmman siam a ni dawn bawk a, Rs 10,000 ve ve an dawng ang.

Intihsiak hi Chanmari YMA Hall-ah neih a ni dawn a, semi-final aṭangin TV-ah live-a pekchhuah tura ruahman a ni.