The Expendables 4-ah Andy Garcia

Action film star rual channa film palina tur 'The Expendables 4'-ah Andy Garcia a chang dawn.

Kum 65 mi lemchan thiam hi Jason Statham, Dolph Lundgren, Randy Couture leh Sylvester Stallone-te bulah a chang dawn a ni.

'The Expendables 4' hi Scott Waugh chuan a direct dawn a, hmanni deuh khan Sylvester Stallone pawhin a teaser thlalak a lo tarlang zuai tawh nghe nghe a, October thla hian shooting an ṭan ang.

'The Godfather' star Andy Garcia hi CIA Agent lemah a chang dawn niin The Hollywood Reporter chuan a tarlang. Curtis '50 Cent' Jackson, Megan Fox leh Tony Jaa-te pawh 'The Expendables 4'-ah hian an chang dawn niin sawi a lo ni tawh bawk.