Essy kha 'A la dang lo'

'Inchhuang mai lo la' tih hla hmanga Zofate min awitu Essy chuan zanin hian music video thar 'A la dang lo' a tichhuak dawn.

Essy hian a hla thar hi zanin dar 6:45 hian Zonet lamah a tichhuak dawn a, YouTube lamah pawh thlira ngaihthlak tur a awm thuai dawn a ni. He hla hi ky_b phuah a ni a, recording chu Blue Wave Records kut chhuak niin videographer chu Moonshine studio a ni thung.

Essy hi a hla tihchhuah a 'hit' ṭhin a, YouTube lamah pawh thlirtu nuai nga chuang a nei fur hlawm. Chumi avang chuan a hla thar tihchhuah tur pawh hi a mawi a rinawm a, music video hmuh nuam tak kan hmuh leh ngei hmel bawk.

"He hla hi recording neih sa daih tawh ania, harsatna avangin kan buaipui lawk thei loa," tiin Essy chuan recording ngawr ngawr chu a peihfelna a rei tawh thu Vanglaini a hrilh a, music video-ah chuan Mizo Dance Camp lamin an pui tih leh, Jeyvee Jongte leh Wardrobe-Love Her Style Millenium Centre-te chu a MV thara MUA an nih thu a sawi. "Pathian min puihna avang leh, RS Enterprise leh video a puitling theihna atana min puitu zawng zawng chungah lawmthu a sawi a ni," a ti bawk.