October-ah MIZORAM'S GOT TALENT

Mizorama a vawi khatna ni turin October 4 aṭangin Runmawi App chuan Mizoram's Got Talent a buatsaih dawn a, kum bithliah awm loin a duh apiang tan a tel theih dawn a ni.

MGT hi Round 5-ah ṭhen a ni dawn a, audition round 2 a awm ang. Quarter final awm lehin, semi final leh Final Round-te'n a zui dawn a ni. Quarter final round-ah chuan Golden Buzzer a awm ang a, Judge-te leh Host BD Chawngthu-te'n Buzzer hi vawi khat ṭheuh an pe thei dawn bawk.

MGT buatsiahtu lam chuan eng talent pawh a len thu sawiin, runmawi.com/mgt ah hian tel duh tan in ziah luh theih reng a ni.

Audition round hmasa zawk chu video kaltlanga neih tur a ni dawn a, chuta tlingte chu live audition-a hmunah neihpui an ni leh ang.

Host : BD Chawngthu

Judge tur te:
→ Pu Rammawia
→ VanlalsailovaṬ
→ Pensy B. Lalthangliani
→ Alan Rinawma

Lawmman:-
1st Prize : Rs. 300000
2nd Prize : Rs. 150000
3rd Prize : Rs. 60000

• Top 10 chinin Rs 20000 an dawng bawk ang.