Linkin Park Hmalam hun a chiang lo

American rock band Linkin Park co-founder Mike Shinoda chuan engtiangin nge an kal zui zel dawn a hriat loh thu tun hnaiah a sawi.

Linkin Park front man Chester Bennington chu nikum July thla khan a boral a, hei vang hian an band pawh an buai phah hle. Mike Shinoda chuan, "Engtianga kal zui zel tur nge tih tunah chuan ka sawi thei lo a, band hi a kal zui zel dawn em ka hre lo. Band angin kan kal zui zel thei angem tih zawhna kan dawng fo a, chhan a harsa hle a ni" a ti.

He tih rual hian member-te chuan band anga kalzui zel an tum thu an lo puang tawh a, a hlawhtling thei dawn em tih erawh hriat a ni ta lo. Hei hi fan-te tan chuan thu hriat nuam tak a ni hauh lo ang a, an inhui khawm thei tawh lo mai ang tih hlauhna a lian hle.

Mike Shinoda pawh hian solo lam a tuipui chho a, Reading and Leeds Festivals-ah pawh a lo perform tawh a ni. May 12 khian Los Angeles-ah a inlan leh dawn bawk a ni.