Idol star Mathlenga Zai a ngai dawn lo
Mizo Idol star C. Lalthlengliana (Mathlenga) chuan vanduaina tawkin bike-in a accident a, hliam eng emaw zat a tuar. Mahse doctor-te'n an endik hnuah zai a ngai dawn lo niin thu kan dawng.
Mathlenga hi Thawhṭanni chawhnu dar 2 pelh hret khan Kawnpui leh Zanlawn inkarah a chesual a, Kawnpui pan pui nghal a ni. Kawnpuiah khawl duh ang a awm loh avangin a zan la la hian Durtang Hospital panpui leh a ni. Kawng lakah a pum na a tih avangin Lungdai PHC-ah chawlhpui a ni bawk. Durtlang an thlen hnu hian doctor ten an endik a, a kawngruh a sawh a, a kheimit a khi bawk tih hriat a ni. A hliam hi a tirah zai tura tih a ni zet a, mahse zai loin a dam leh theih beisei a ni leh ta a ni.
Mathlenga hi Mizo Idol hmasa ber 2007-ah khan telin, pahnihna a ni. A zaithiam em avangin mipui hriat a hlawh a, tun thlengin zaiin Zoram mipui min la awi a ni. Mathlenga chuan vanduaina a tawh chungchangah hian amah puitute zawng zawng chungah lawmthu a sawi tak zet tih Vanglani palai a hrilh a, ṭawngtaipui turin a sawm bawk.