Cardi B - Migos hla thar 'Drip'

Cardi B leh American hip hop trio Migos te chu an thawkho a, tun hnai khan hla thar 'Drip' an tichhuak.

Cardi B hian a album hmasa ber tur a buaipui mek a, zaithiam eng emaw zat a thawhpui. 'Invasion of Privacy' albuma hla ṭhenkhat chu tihchhuah a lo ni tawh a, 'Drip' hi a thar ber a ni. Hemi hma hian Nicki Minaj nena an sak dun 'Motor Sport' chu tihchhuah a lo ni tawh a, 'Be Careful' pawh tun hnai khan tlangzarh a ni.

Cardi B hi a lar chak hle a, tun hnaiah pawh TV show lar pahnih - 'Saturday Night Live' leh 'The Tonight Show'-ahte inlan tura sawm a ni. Bruno Mars chuan 24K Magic tour a la neih turah thawhpui a duh thu a lo sawi tawh bawk.