BTS-in Japanese album pathumna tichhuak

Korean boy band BTS chuan Nilaini khan album thar 'Face Yourself' an tichhuak a, hei hi Japanese album an tihchhuah ṭum pathumna a ni. Hei hi kumina an album hmasa ber a ni nghal bawk.

BTS album tharah hian hla 12 a awm a, hla thar eng emaw zat a awm a, a hlui tuai thar a awm bawk. Hla ṭhenkhat hi an lo sak lar tawh Japanese ṭawng leh a ni hlawm. Chung zingah chuan an hla hit - Blood, Sweat & Tears, DNA leh Mic Drop-te pawh a tel a ni.

Heng bakah hian hla pali chu a track siam thar a awm bawk.

BTS hi Asian mai ni lo Europe leh North Amrica lamah pawh an lar chak viau a, khawvela band ngaihven hlawh ber pawl an ni mek. BTS hian Japanese album pahnih an lo tichhuak tawh a, 'Face Yourself' hi a pathumna a ni.