Beckham chhungkaw documentary NETFLIX lamah

David Beckham leh Victoria Beckham-te lar zia sawi nawn fo a ngai lo a, an nupain an ṭuanna mualah an hming chher lian bawk a, streaming platform lian Netflix chuan an chhungkaw documentary a siam dawn. Hemi atan hian Netflix chuan Backham-te nupa hi $maktaduai 20.5 (Euro mtd 16) hu inremna an ziahpui.

Documentary film siamsak an nih dawn tak avang hian Beckham hi khawtlang leh football khawvela a nundan ringawt kan hre tawh dawn bik lo. Chhungkuaa a khawsak dante bakah a nupui leh a fanaute thlengin he documentary kaltlang hian an nundan kan hre thei dawn.

Beckham leh Victoria hian fapa li an nei a, Brooklyn (kum 21), Romeo (18), Cruz (15) leh fanu kum 9 mi Harper an nei. An chhungkua hian Netflix-in a tihchhuah tur an chhungkaw documentary film-ah hian an lan vek beisei a ni.