Kum nga chhung jail tang tur Salman Khan

Bollywood super star Sal­man Khan chu sa pelh thubuaiah thiam loh chantir a ni a, kum nga chhung jail bang a zut dawn.

Salman Khan thubuai hi tun hnai khan ngaihtuah a ni a, thiam loh chantir a nih thu hi Jodhpur court chuan nimin khan a puang a ni.

Hetih lai hian a thurualpui Saif Ali Khan, Tabu, Sonali Ben­dre leh Neelam te chuan thiam an chang thung a ni.

Salman Khan hian kum 1998 khan Rajasthan-ah sazuk a kap a, hemi chungchangah hian thubuai thehluh a ni. Jodhpur court chuan tun hnai khan a sa pelh chungchang sawifiah tur hian a ko a, a thurualpuite chungthu pawh a ngaihtuah a ni.

Court chuan Salman Khan chet dan hi 'tihluih' tiin thiam loh a chantir ta a ni. Hetih rual hian a thurualpuite chu an thil tihah evidence a awm lo tiin a chhuah zalen a ni.

Salman Khan hi Jodhpur Central Jail-ah dahluh nghal nia tarlan a ni. Kum 2006 khan jail-ah hian zan nga a lo tang tawh bawk a ni.

Salman Khan hian sa pelh nan hian silai pangngai a hman loh thu leh, air gun a hman thu a lo sawi tawh a, mahse court chuan a pawm lo a ni.