Meghan Markle-i'n a nu a tlawh

May thlaa Prince Harry nena innei mai tawh tur Meghan Markle chuan tun hnai khan a nu a tlawh a, an inneih tur chungchang a sawipui.

American actress hian Los Angeles a thlen hnuah a nu Doria Radlan chu kawm­in, ruahmanna a neih hrang hrangte a sawipui a ni.

'Suits' star hian pasal a neih ni hian a nu kut­chhuak a inbel dawn niin khawthlang media-te chuan an tarlang. Doria pawh hian a fanu pasal neih hmang tur hian Lon­don a pan dawn a, an in­buatsaihna te pawh a hmunah a enpui dawn a ni.

British lal tupa nupui neih tur boruak a lian chho zel a, an inbuatsaihna lam pawh media-ten an tarlang nasa hle. Thames Valley Police-te chuan venhimna kengkawh tura an inbuatsaih nasat ber ṭum a nih thu an lo sawi tawh a, kawlthler tinah an duty tur thu an sawi.

Prince Harry leh Meg­han Markle te hi May 19 khian St. George's Chapel, Windsor Casstle, London-ah an inkutsuih dawn a, tel tura sawm bik zingah pawh Indian actress Pryanka Chopra pawh a tel a ni.