Cardi B album thar 'Invasion Of Privacy'

American rapper Cardi B chuan a studio album hmasa ber 'Invasion Of Privacy' chu a puitlin ta a, nimin khan tlangzarh a ni.

Cardi B album thar hian ngaihven a hlawh nghal hle a, a hit zui viau turah ngaih a ni. Album-ah hian hla 13 a awm a, a hla ṭhenkhat chu a hmain a lo tichhuak tawh a ni. Album a tichhuah tur thu hi kar hmasa lam khan social media kaltlangin a pung a, fan-te a barakhaih hle. Hun rei pawh a rial hman lo tiha a tichhuak zui ta a ni.

Album-a hla tihchhuah tawh - 'Be Careful', 'Bartier Cardi' leh 'Drip'-te chu a hit hlawm viau a, YouTube lamah pawh entu an ṭhahnem tawh hle. 'Be Careful' hi kar hmasa khan a tichhuak a, 21 Savage thawhpuiin 'Bartier Cardi' a tichhuak zui leh bawk. Album a tichhuah hma lawk, tunkar tir lam khan American hip hop trio Migos te thawhpuiin 'Drip' hi an tichhuak leh bawk. Heng bakah hian Nicki Minaj nena an sak dun 'Motor Sport' chu tihchhuah a lo ni tawh bawk.

Bodak Yellow singer hian a lar vanglai a tawng chho mek a, American TV show lar 'The Tonight Show'-ah co-host niin a inlan dawn a, 'Saturday Night Live'-ah a inlan dawn bawk. A album tharah pawh hian ziathiam lar eng emaw zat a thawhpui a, chung zingah chuan Chance The Rapper, SZA, YG, Kehlani, Bad Bunny leh J Balvin te pawh an tel.