2021 CMT Artists of the Year-te chu...

Gabby Barrett, Chris Stapleton, Kane Brown, Kelsea Ballerini leh Luke Combs-te chu 2021 Country Music Television (CMT) Artists of the Year-ah puan an ni a, October 13 hian Schermerhorn Symphony Center, Nashville-ah he chawimawina hi an dawng ang.

CMT chuan Ningani khan an chawimawi turte hming hi an puangzar a, thuchhuah an siamah chuan an artist thlan chhuah pangate chuan kum khat liam ta chhung khan country music-ah ro an rel hneh hle tih sawiin, album chart-ah a ni emaw, single chart-ah a ni emaw, an che ṭha hlawm hle tih an tarlang.

CMT Music Awards hi MTV award show upa ber niin kum 1967 aṭang khan an sem ṭan tawh a, kum 2000 aṭang khan he award hi MTV kutah a awm a ni. June 9 khan kumin CMT award semna hi neih a lo ni tawh a, October 13 hian CMT Artists of the Year-te chawimawina programme hi an buatsaih leh dawn a ni.