Fast 9-ah The Rock inlan dawn leh dawn loh chiang lo

The Fast and the Furious star Vin Diesel chu Fast & Furious chhuak thar leh turah a chan dawn leh dawn loh a chiang lo a, he tih lai hian American actor Dwayne 'The Rock' Johnson pawh a inlan dawn leh dawn loh a chiang lo bawk.

The Rock chuan he mi chungchang hi tun hnai khan a sawi a, Vin Diesel nen an chang dun lo maithei tih a sawi. Kum 2020-a tichhuah tum Fast 9 hi buaipui chhoh mek a ni a, hetih lai hian a changtu tur lamah buaina a awm mek. Vin Diesel leh The Rock te hi changdun tur anga sawi ni mahse thu thar berah chuan an inlan lo mai thei tih thawm a awm a ni.

Indian actress Priyanka Chopra nen pawha lo chang dun tawh The Rock chuan, "Fast 9 atan hian shooting neih a la ni lo a, Vin Diesel nena kan inlanna tur scene pawh tihfel a la ni lo" tiin, thil eng pawh la thleng thei a nih thu a sawi.

Fast & Furious chhuak leh tur hi a title pawh tichian a la ni lo a, hetih rual hian Taiwanese film director Justin Lin chu director tur tih a chiang tawh thung a ni.