TBC Zaithanpuia MV thar 'Hringnun par vûl lai'

Mizo Gospel singer zinga mite ngaihven ber pawl TBC Zaithanpuia chuan Zirtawpni zanah khan music video thar 'Hringnun par vûl lai' a tichhuak.

'Hringnun par vûl lai' hi Lalsangzuali Sailo hla phuah niin, TBC-a hian mawi taka sain, music video hial a rawn siam a ni. TBC-a chuan,"Lalsangzuali Sailo hla phuah 'Dah law maw' kha Youth Idol 2007- ka tel ve ṭum khan Pathian leh Zoram mipui duhsakna azarah ka lo vanneih pui tawh a; chu vang chuan Pi Lalsangzuali Sailo (L) hi ka tana mi hlu tak tak zinga pakhat a ni.

"Tûnah erawh Pathian fakna hla ve thung, ama hla phuah tho 'Hringnun par vûl lai' tih hla hi kum 14 vel dawn a liam hnuah ka rawn sa leh ta a. Music Video hial ka rawn khâwr pum thei hi Pathian chungah leh he hla phuahtu Pi Zualbawihi chungah ka lawm tak zêt a ni. He hla mawi tak hi kum li kum nga liam daih tawhah khan ka pain sa turin min râwn tawh nâin, tun hnaiah Pathian khawngaihna azarah ka rawn puitlin thei ta hrâm a ni," tiin a music video thar chungchang hi a sawi.

TBC-a music video thar hi a YouTube channel lamah duh hun hunah a hmeh chhuah theih tawh reng a ni.