Science & Environment ; Southern Hemisphere chunga Ozone pawp Antarctica aiin a zau

European Union's Copernicus Atmosphere Monitoring Service (CAMS) scientist-te chuan kar hmasa Ningani khan thuchhuah siamin Southern Hemisphere chunga Ozone pawp chu Antartica aiin a zau tawh zawk tih an sawi.

Scientist-te chuan kar hnih vel liam ta chhung khan Southern Hemisphere chunga Ozone hi a pawh belh nasa hle tih an sawi. Khawvel venghimtu Ozone hi a chhe nasa hle a, a bik takin South Pole chungzawn phei chu mihring siam chhuah chemical vangin a pawp chak hle.

CAMS hian uluk takin Ozone dinhmun hi an vil reng a, kumin kumtir lamah kha chuan nikum aiin a pawp hi a zauh belh nasa lutuk lo niin an sawi a, mahse kar hnih vel liam ta aṭang khan nasa taka zauh belh ta tih an sawi.

CAMS director Vincent-Henri Peuch chuan kar hnih thum chhung vel chu a pawp hi a la zau zual zel mai thei tih thuchhuah an siamah chuan a sawi a ni.