Lion of Judah hla thar 'Revelation Chapter 1'

Mizo Progressive band la tharlam tak, kum 2019-a indin Lion of Judah chuan hla thar 'Revelation Chapter 1' an tichhuak dawn.

Anni hian Symphonic Progressive Metal an play ṭhin a, Gospel Band an nih angin Crusade-na velah an inlan fo tawh ṭhin. Lion of Judah hi Tluanga Hnamte a din niin, tuna an hla rawn tihchhuah tur 'Revelation Chapter 1' hi an music video hmasa ber tur a ni.

He an 'debut' song hi rimawi ngaina tan chuan nghilh phal chi a ni lo ang.

"Westend Studio YouTube channel-a dan tur a ni a, chhiartu mipuit'en lo en a lo subscribe ngei turin kan sawm a che u. Hei mai bakah hian Mizo Ballad song an buaipui leh mek bawk e. Live music ngainate tan phei chuan ngaihven ngei chi a ni."

- Thakima Khiangte