Cardi B album hralh a kal

Cardi B album thar 'Invasion of Privacy' chu kar liam ta khan tlangzarh a ni a, Billboard 200 Chart-ah No. 1 a hauh nghal.

'Invasion of Privacy' hi American rapper studio album hmasa ber a ni a, tlangzarh hma aṭangin a boruak a lian hle. Rin ang ngeiin a hit a, US-ah chuan album hralh kal ber a ni mek. Traditional album sales, track equivalent albums (TEA) leh streaming equivalent albums (SEA) kaltangin copy maktaduai khat dawn hralh a ni tawh.

Cardi B hi hmeichhe rapper zinga Billboard 200 chart-a album tlangzarh kara No.1 hauh thei panga-na niin, Nicki Minaj, Eve, Foxy Brown leh Lauryn Hill te hnung a zui a ni.