Galactic centre-ah black hole Ṭhahnem tak hmuh belh

Van chanchin zir mite chuan galactic centre-ah black hole ṭhahnem tak an hmuhchhuah belh thu an sawi. He thu hi tun hnai khan puan a ni a, van chanchin zir bing mite beng a verh hle a ni.

New York, Columbia University-a mithiam Char­­les Hailey leh a thawh­­­puite chuan Nasa Chandra X-ray telescope hmangin black hole-te hi galactic centre-ah an awm tih an hmuchhuak a ni. Milky Way centre-a supermassive black hole an tihte hi Sagittarius A* (Sgr A*) tih vuah an ni a, halo gas leh bawlhlawh chi hrang hrangin an hual a ni. Arsi pawh tam tak an awm a, hengte pawh hi a thih hnuah black hole-ah an chang thei niin an sawi.

Professor Charles Hailey chuan heng black hole-te hi "supermassive" black hole tih vuah an nih thu sawiin, heng laiah hian "supermassive" aia te black hole eng emaw zat an awm niin a sawi bawk. Tuna an hmuhchhuah hma pawh hian Milky Way centre-ah hian black hole-te hi an awm tih hriat a lo ni tawh a, an hmuhchuah belh zel a ni. Sagittarius A*-te hi zirchhian zel an ni a, zirbing mite chuan hna berah an nei mek.