Queen Elizabeth faktu Angelina Jolie

Angelina Jolie chuan Queen Elizabeth II chu mi entawn tlak a nih thu sawiin, ṭhangtharte hmakhaw ngaitu, tiin a fak.

Jolie hian tun hnai khan a fate hruaiin Namibia a tlawh a, Queen Elizabeth II-in Africa tana a hmalaknate a hmuhin a lawm hle a ni. American actress chuan, "British monarch hian Africa-ah thing tam zawk phun a nih theih nan nasa takin hma a lo la a, ṭhangtharte hmakhaw ngaia a hmalakna hi entawn tlak a ni" tiin a fak. A thil tih hi a fate pawh a hrilh thu sawiin, ramngaw humhalh pawimawhna a hrilh tih a sawi.

Queen Elizabeth pual hian documentary 'The Queen's Green Planet' siam a ni a, hemi chaungchang hi Angelina chuan a sawi chul mai a ni. Ṭha a tih thute, entawn tlak a nih ziate, ṭhangthar lo awm zel tur leh, a bikin Africa mipuiten an mamawh zia a sawi uar hle.