Virthli Festival Vawiinah Cultural Day hmang dawn

Mizoram University kutpui Virthli Festival chu chhun­zawm zel a ni a, vawi­inah Cultural Day hman a ni ang.

Cultural Day hi main event zinga pakhat a ni a, chawhma dar 11:00 aṭangin ṭan a ni ang. Cultural Day thupui atan hian 'Peace, Integrity and Harmony' tih hman a ni. Cultural dance competition, cultural games bakah, hnam hrang hrangte zia leh nunphungte tarlan a nih dawn bakah, mini museum, traditional food court leh zai leh lampui a awm bawk ang.

Nimin khan Rock Fest, Essay leh Poetry writing competition (Mizo, English leh Hindi) bakah, Virthli Talk neih a ni. Heng bakah hian E-Gaming, Painting leh Sketching competion neih a ni a, futsal khelh chhunzawm a ni bawk.

Rock Fest hi MZU Am­pitheatre-ah neih a, tel an ṭha­­hnem hle. He hunah hian band hriat hlawh sa leh hu­hang ngah tak takte an tel a, an hla duhzawng pahnih hmangin an intihsiakna a ni. Rock Fest hi zan lamah chhunzawm a ni a, result kan hre hman lo. He hunah hian DJ Lalvenhimi, Awmtea Polymer, Sycamore, The Prophets leh Jeff & Empee ft G'nie te an perform a ni.

Virthli Talk butsaih a hlawhtling thawkhat a, 'Pro­fessional ethics' tih thupui hmangin MZU professor rualin panel discussion an neih chuan ngaihlut a hlawh hle bawk.

Quiz leh debate result chu puan nghal a ni a, debate bik hi Mizo leh English-ah ṭhen a ni. English-ah hian James T Sangma Zoology Deparment chu pakhatna a ni a, Lawmsangpui Ralte, Sociology Department chu pahnihna a ni. Govt. Aizawl North College aiawha tel Lal­rindiki chu pathumna lawmman a la. Mizo-ah hian ICFAI an che ṭha a, F. Lal­ramhmuaka chu pakhatna a ni. Mizo Department-te'n Lalneihkima hmangin pa­hnihna lawmman an la a, Eco­nomics Department tan Remlalfaka Pachuau chuan pa­thumna lawmman a la bawk.