Zaninah Lelte Award 2018 sem dawn
Rimawi lama chawimawina sem ṭhin zinga hlun ber pawl, Lelte Award chu a vawi 27 nan zanin dar 7:30 hian Chanmari YMA Hall-ah sem a ni dawn ta.
Lelte Award dawng thei tur hi puan a lo ni tawh a, top 5 aṭangin top 3 pawh thlitfim tawh a ni. Nomination Committee chuan award dawng thei tur hian category 33-ah mi 3 zel an chhawp chhuak ta a ni. Award dawng thei tura chhawpchhuahte hi kut ruakin an haw dawn lo a, winner bakah hian midang pahnih hnenah certificate hlan an ni ang.
Award semna inkhawm hi Barak Valley Council chairman Lalthawmlien Hmar chuan khuallian niin a hman pui dawn a, hemi zan hian bawm hun a ni ang. Heta ṭanga sum hmuhte hi TNT hnenah hlan a ni ang.
Hemi zan hian zaithiamte sunna hun hman a ni dawn bawk a, nikum chhunga zaithiam leh hla phuah thiam boralte sun an ni ang. Hla phuah thiam Parema bakah, zaithiam C.Sanga, Mamuani (Mamit), H.Zaitluangi leh Lalliansawma te chu sun an ni dawn a ni.
Special Award sem a ni dawn bawk a, show hi LPS 10-ah live-a pekchhuah a ni ang.