SmackDown General Manager thar Paige

WWE superstar Paige chuan tunkar Thawhṭanni khan wrestling a chawlhsan thu a puang a, SmackDown General Manager atan ruat zui nghal a ni.

British wres­tler hi nikum De­cem­ber-a New York khawpuia WWE Holiday Tour-ah khan Sasha Banks chuan a nghawngah a tlawh sak a, zai a ngai hial a ni. Zai a tawh hnua medical expert-ten an endik hnuah chawl turin thurawn an pe a ni. Paige chuan, "Thutlukna siam harsa tak a ni, nimahsela ka taksa tana ṭha tur ka ngaihtuah a ngai a ni" tiin, chawl tura thutlukna siam harsa a tih thu a sawi. A chawlh tur thu a puan lai hian a mittui pawh a tla hial a, kum 25 mi lek a la nih avangin hmabak eng tak a nei a ni.

Hetih rual hian a vanduaina phenah malsawmna a chang a, SmackDown commissioner Shane McMahon chuan General Manager thar atana lakluh a a nih tur thu a puang zui ve nghal a ni.

Paige chawlh tur thu hi WrestleMania 34-ah pawh khan puan a ni a, WWE fan tam tak a barakahaih hle. Wrestling aṭanga film khawvela zuanglut ta Dwayne “The Rock” Johnson chuan Paige pual hian film siam a tum thu a sawi bawk.