Hermon Childrens Homecoming video a chhuak ta

Jailbreak Ministry chuan hun rei tak chhung an buaipui hnuah Hermon Childrens Home­coming video (DVD) chu tun hnai khan tlangzarh a ni.

Homecoming video-ah hian Hermon Childrens a din tirh kum 1979 aṭanga tun thlenga thil thleng hrang hrang tarlan a ni. Chung zingah chuan Home tana ṭha­hnemngai taka súl lo su tawhtute bakah, Home aṭanga seiliana chhuak tawh mi hlawhtling tak tak te tarlan a ni bawk. A buatsaihtute chuan hei hi midangte tana malsawmna a nih beiseia siam an nih thu an sawi.

Homecoming atan hian nikum October thla khan concert buatsaih a lo ni tawh. He hunah hian tunlai zai­thiam lar - Zorinsanga Sailo, Lalremsiami (Nunui), Zoram Evangelical Fellow­ship (ZEF), C.Luri, Lalduh­awma Zote (LD-a) leh Ramhlun North Male Voice bakah Home naupangte an inlan a ni.

DVD pakhat hi Rs.200/- man zel a ni a, heta ṭanga sum hmuhte hi Hermon Childrens Home ṭanpuina atan hian hman a ni ang.