Tom Holland-a'n 'Spider-Man 3' hmel hmasa ber a tilang

Tom Holland chuan 'Spider-Man 3' hmelhmang hmasa ber social media-ah a tarlang a, midang hmaituam turin a fuih nghal bawk.

Spider-Man 3 hian official title la nei lo mah se achangtupa ber Tom Holland chuan a Instagram account lamah a landan tur a tarlang der tawh a, a thlalak tarlanah chuan Spider-Man chuan a hmai a tuam a, a caption-ah pawh midang hmaituam tura fuihna a hmang nghe nghe.

A landan maiah chuan Spider-Man suit-ah thil danglam hmuh tur a awm lo a, Spider-Man: Far From Home-a a suit ang chiah kha a ha leh a ni. Tom Holland Spider-Man 3 hi nakkum December 17-a tlangzarh tura an ruahman niin, tun aṭangin boruak a nei lian tawh hle.