'Johnny And Clyde'-ah Megan Fox

'Transfromers' star Megan Fox chu film thar 'Johnny And Clyde'-ah Tyson Ritter nen an chang dawn.

He film hi Chad A. Verdi-a Verdi Productions chuan an produce dawn a, thla leh lamah hi chuan prodcution kal mek chu an zawm ve tawh a rinawm.

Megan Fox leh Tyson Ritter-te channa tur hi serial killer pahnih chungchang a ni dawn a, Fox hi crime box, casino neitu Alana lemah a chang ang a, Ritter hi a security hotu lemah a chang dawn thung. Serial killer pahnihte chuan Alana casino chu rawk an tum dawn niawm tak a ni.

'Johnny And Clyde' hi tunah hian Rhode Island-ah an chang mek tawh a, Tom DeNucci leh Chad A. Verdi-te chu director an ni.

Megan Fox hi 'Teenage Mutant Ninja Turtles' hnuah khan film 'hit' takah kan hmu ta meuh loa, chutih rual erawh chuan film erawh a chang ve reng thung. Tunah pawh hian project pathum velah a tel mek a, nakkum lamah chuan a film channa en tur pahnih pathum chu a awm ngei a rinawm.