Kim Bum-a'n vantlang hna thawk dawn

Boys Over Flowers star Kim Bum chu sipaiah ṭang tura tih ni mah se a hriselna a ṭhat loh vangin vantlang tana hna thawk tura tih a ni.

South Korean actor hi an ramin a phut angin sipaiah lut ve tur a tih ani a, mahse a hriselna ṭhat tawk loh vangin a zawm thei dawn lo. Hemi avang hian April 26 khian public service worker nia vantlang tan thil ṭha ti tura tih a ni. King Kong agency chuan kum 28 mi Kim Bum hian sipai zawm tura hriattirna pawh a dawng tawh tih sawiin, mahse a hriselna dinhmun endik hnuah a zawm thei dawn ta lo a ni, tin an tarlang.

Kim Bum hi kum 20 mi vel a nih aṭang khan a hriselna ṭhat loh avangin enkawl a lo ni tawh a, enkawlna hrang hrang pawh a dawng hnem malh malh hle. Hemi avang hian sorkar aṭanga sipai zawm tura kohna pawh hi a chhang thei ta lo a ni. Hetih lai hian South Korean actor lar eng maw zat chuan sipai hi an lo zawm tawh a ni.