Social media aṭanga a sum hmuh hmangin in a lei

Tunlai khawvelah social media chu sum lakluhna ṭha tak a nih tawh avangin milar leh thil tithei tan sum hmuhna tur a tam hle. Hetiang karah hian American actress Annabella Avery Thorne pawh a chhawr ṭang­kaitu zingah a tel a, social media aṭanga a sum hmuh aṭang­in in a lei!

Kum 20 mi lek Bella Thorne chuan a inlei chu ama hlawhchhuah liau luia a nih thu a sawi. Instagram-a a thlak post aṭangin $65,000 a hlawh chhuah tawh tih sawiin, Snapchat aṭang pawhin sum a lalut tih a sawi. IG chu a sum lakluhna hnar pawimawh tak a nih thu a sawi uar hle a, kum 18 mi lek a nih lai aṭang tawhin sum a hailut tih a sawi. Social media aṭanga sum hmuh thu hi amah pawhin a sawi nuam a ti hle.

'Famous In Love' star Thorne hi Disney Channel aṭanga lar niin, a kum a la naupan avangin hmabak nei eng pawl tak a ni. Magazine lar Vogue pawhin a chanchin hi an lo tarlang tawh bawk.