iCloud Account hack tu thiam loh chantir

Kum 2014-a iCloud account hack-a milar tam tak thlak pholangtu George Garofano chu thiam loh chantir niin, kum nga chhung lungin a tang dawn.

Connecticut lam chhuak kum 26 mi George Garofano hi Ningani khan thiam loh chantir a nih thu puan a ni, 2013-14 chhung khan mi account eng emaw zat a khawih tih tarlan a ni. iCloud account hack-a milar 250 vel zet account khawih saktu hi kum nga chhung lungin tang tura hremna pek a ni.

Account a khawihsak zingah hian Jennifer Lawrence, Kirsten Dunst leh Kate Upton-te pawh an tel a, an thlalak leh video dukdak vak lo ṭhahnem tak chu internet lamah a darh nasa hle a nih kha.

'Celebgate' tia sawi hian nghawng a nei lian hle a, milar tam tak tihmualphoin an awm. He thil thleng hi chhui zui a nih a, mawhphurtu hi prosecutor-te chuan thiam loh an chantir ta a ni.