Stacy Punte hla thar a hnai e

Stacy Punte chuan a vawikhatna atân ama hla phuah ngei mai, 'Ka thlang ber che' tih chu Music video a peihfel tawh a, vawiin lamah hian MDM lamah a dahlut dawn a, Zonet leh YouTube lamah thlira ngaihthlak tur a awm thuai ang.

Music chu SLA Production kut chhuak niin, Audio chu Melody Records kutchhuak a ni thung. Video erawh A film by kim shoot a ni a, a fuh viau ang.

Stacy Punte hian nikum lamah khan Zonet Ṭhazual Award 'Best New Artiste(Gospel)' leh Lelte Award 'Best New Artiste(Gospel) a lo la ve ve tawh bawk.

Stacy hian a hun tam zawk hi Pathian tan a serh tlat a, fianrial ṭawngṭai hun a hman laiin Pathian ṭhatzia a hmu chiangin, Pathian avanga mawi ve mai chauh a ni tih Pathian pawlna thar a chhar chhuah aṭangin he hla 'Ka duhber che, ka thlangber zel ang che' tih hi a rawn ziak chhuak a, a thiam ang tawkin a thlûkte a siam hnuah midang ngaihthlak theih turin a rawn buatsaih chho ta a ni.

Zonet lamah chuan tunkar chhoah hian thlira ngaihthlak theih a nih hman a rinawm a, YouTube lamah erawh ama channel ngeiah a rawn 'upload' thung dawn. Tunah hian Stacy Punte hian 80k Subscriber a nei tling thuak tawh a ni.