Avicii Documentary 2023-ah

Swedish producer leh DJ Legend fam ta, Tim Bergling, khawvelin Avicii tia a hriat lar documentary thar chu a 'estate' chuan kum 2023-ah tlangzarh a ni dawn tih Ningani khan an puang.

Avicii Documentary thar turah hian Bergling-a chhungte, a ṭhiante leh a laina hnaite an kawmnate a awm tel dawn a, tunhmaa la tihchhuah ngai loh Bergling video ṭhenkhat leh an kawmnate a tel dawn bawk.

Swedish director leh cinematographer Björn Tjärnberg bakah Candamo Film-te chuan he documentary hi an produce dawn a, Swedish National Television pawh an thawhpui dawn bawk a ni.

Avicii hi April 20, 2018 khan kum 28 mi lek niin a thi a ni.