YouTube Special 'Dear Earth'-ah BLACKPINK

25th September, 2021

YouTube Originals special 'Dear Earth', October thlaa tihchhuah tura inlan tur zingah K-Pop group lar Blackpink an tel a, anni bakah hian Billie Eilish, Anitta leh Jaden Smith-te pawh an inlan dawn.

YouTube chuan Ningani khan 2021 Summer TCA press tour-ah 'Dear Earth' chungchang hi an puangzar a, 'October sustainability-centered programming' peng pakhat tur a nih thu bakah Barack Obama, Pope Francis, Desmond Tutu leh Google/Alphabet CEO Sundar Pichai-te chu thusawi tur zingah an tel thu an puang tel bawk.

'Dear Earth' hi October 23 hian YouTube-ah tihchhuah a ni dawn a, Done + Dusted, Strong Brew leh Silverback Films-te chuan an produce dawn a ni.