Ṭhazual Lengzem ; Lalramdini Fanai hun a thleng ve ta

'Mengmawi' tih hla satu Lalramdini Fanai hi Ṭhazual Lengzem chart-ah a mikhual lo a, pahnihna dinhmunte pawh a lo luah tawh. Tun ṭumah erawh a hun a her chhuak ve ta a, a vawi khat nan chart-ah pakhatna a ni.

A aw pui tak mai leh fiah

ṭha tak mai chuan mipui beng a fah a, tun lai lengzem hla thlan hlawh ber a ni mek. 'Mengmawi' tih hla hi Nono-a leh Remmuana te phuah niin, hla thar a ni lo. Zaithiam eng emaw zatin an sa tawh a, Lalramdini Fanai hian thiam takin a rawn sa thar ve leh a ni. A music video hi In-House Production kutchhuak a ni.

Tun ṭumah hian chart hmasa lama pakhatna Jenny Jathang chu pahnihna a ni ve thung a, a hla 'I hlui thei mawlh lo' chu thlan hlawh ber pawl a la ni zui zel. Top 3-ah H. Lalvulmawia a lang bawk a, a ni pawh hian 'Kan intiam tawh ang' tih chu a hlawhtlinpui zui zel. Chart-a lang zing tak F. Zomuanpuia leh Richard Chawngthu te chu top 5-ah an lang bawk.

F. Zomuanpuia hian top 10-a lang thei hla pahnih a nei leh a, tunlai lengzem singer zingah chuan hla nei ṭha ber pawl a ni. A ni ang bawk hian H. Lalvulmawia chuan chart-a langphak hla pahnih a nei a, a thawhhlawk hle. Tun hnaia rawn intuaithar leh mek Tommy L Pachuau chu 'Tawnmang Lasi' tih leh 'Ngaihlai I bang lo'ng' tih hla hmangin a sang zingah a lang leh bawk.

Tun ṭumah hian chart-ah pawh pakhatna lo hauh tawh ṭhin HT Lalthanzami chu a hnu­khartuah a ṭang ve thung a ni.